[smaáveijis´- um´- ig]

Já, nú er ég kominn i smá frí eða í næstum tvær vikur. Ég sem var orðinn svo áhugasamur um það sem ég var að gera í skólanum, fæ ég bara frí. En ég ætla að gera eitthvað uppbyggilegt og menningarlegt í þessu fríi og einnig þarf ég að fara yfir það sem ég hef verið að læra síðan í janúar. Annars fékk ég nokkuð af verkefni sem ég þarf að gera í fríinu.
Núna er ég fastur við tölvuna og Gunni mér við hlið, báðir fastir við skjáinn og erum að hlusta á fréttirnar og þætti. Strákarnir fyrir löngu farnir að sofa og eru að seilast inn í hinn djúpa draumaheim. Bræðurnir eru að fara keppa á morgun, Þorsteinn í fótbolta tíu mínútur fyrir tólf og Nonni klukkan átta en Nonni þarf að vakna klukkan sex til þess að fá far hjá einum félaga sínum. Það verður svaka stuð í kotinu á miðdegi, þegar strákarnir koma heim - ég verð að segja hvað ég er lukkulegur að hafa fengið að kynnast foreldrahlutverkinu og honum Gunna mínum. Lífið gæti ekki verið skemmtilegra. Je les aime beaucoup beaucoup...

Við vorum voðalega dulegir í dag en vöknuðum á skikkanlegum tíma eða klukkan tvö, ég fór út í bakarí og keypti Pain de Table og Pain au chocolate handa okkur áður en við drifum okkur út um klukkan fjögur. Við drifum okkur á línuskautana og fórum að kaupa "frönsku kennsla fyrir þig" á geisladisk fyrir strákana, æfingarbók, stílabækur, blek í prentarann og eyðublöð...náðum svo að kaupa í matinn, fara í bakaríið og setja Nonna í klippingu í leiðinni...ekkert smá afrek á stuttum tíma en það er svo skrítið, allavega miðað við heima á Íslandi, að það er ekki hægt að kaupa eyðublöð né blek í venjulegum bókabúðum svo það fór ansi langur tími í að flakka á milli búða eftir öllu smádótinu, en eftir allt stússið fórum við heim, settumst niður í smá stund en Sigga var þá kominn. Við spjölluðum í smá tíma um frönsku kennslu, pólitík og annað sem var ofarlega í huga okkar.
Þó að við vorum öll frekar þreytt þá drifum við okkur í að gera matinn kláran, enda búinn að bjóða Siggu í mat. Það var það hefðbundna í forrétt og svo steikt kjöt með "Íslenskri Berne´sósu" og ofnbökuðum kartöflum. Það sem kom á eftir var einnig mjög hefðbundið: ostar og baguette. Strákarnir, Nonni, Þorsteinn, Gunni og ég fengum okkur ís með súkkulaðisósu í desert. Sigga, eða eins og ég kallaði hana í dag, Ungfrú Rungis (en var að vísa í Ungfrú heim og "Rungis" er torgið sem Sigga býr við).
Strákarnir fóru í tölvuleiki og við Gunni sátum og spjölluðum í smá stund áður en við tókum allt til á matarborðinu. En svo fóru strákarnir að sofa og við Gunni fórum í tölvurnar okkar til þessa að svara emlum, laga bloggið, hlusta á fréttir, gera Súdúkó, spjalla...
Góður endir á góðum degi...
Keep up the spirit folks...